Posts

145. Ongtien eng' bandanyo

  1.   Ongetien eng' bandanyo, Achek che ki'yanotin. Ongilosu Yetindet; Ine ne o eng' tugul. 2.  Kimi rutoito achek, Kibendi ga kipsengwet; Kigoit Emonoto Bik che kigondo koba. 3.   Ongetien achek tugul, Nganda mi ka-iimutik. Tuguk che uuen nguno Onai ole matebyei. 4.  Mat o'ywei, tupchosiechu, Ongegimegitu kot. Mitei Jesu ne ribech, Si ma'beetech bunyondet. 5.   Kagelakte che bo ng'ony, Kagegasin it, Inye; Kisubotin, Kiptaiyat, Ne I Kando-indennyo.
Post a Comment
Read more

146. Amache anai Jesu kot

1.  Amache anai Jesu kot -  Inendet ne kimecha keny. Amache atesak inne Eng' naetab Yetindennyu.      Amache ng'alekyik;      Achame koneta      Siirei ng'alek alak tugul;      Mwawech agobo sobondo. 2.  Amache kineta ng'alek Che mitei Bukuit ne Tilil. 'Neta tugukab Jehovah Tamirmiriennyi ne Tilil. 3.  Amache agiilge inne Atese tai eng' orennyi. Ng'ang'wa Yetindet magennyi Agoi konyo kolaitoran.
Post a Comment
Read more

147. Kigonyo ng'owony Kiptaiyat

1.   Kigonyo ng'ony Kiptaiyat Weritab Jehovah, Kigonyo kotoretech, komechi bik tugul; Ngot kiyan ng'alekyik ak kemete chalwogik, Kotun komutech kipsengwet.      Kibendi ga koretab Jehovah;      AK Ki boibo-en betusiek  tugul.      Kagiyan ng'alekyik: kagemete chalwogik.      Kisubi nguno Kiptaiyat. 2.  Kigonyo Yetindennyo kocheng'ech eng' luset, AK kogoitogei Inekobar bik che yaachen. Kigome komechi bik agot achek tugul, Amu kichamech Inendet. 3.  Kima esio komechech agot  nga ki kim kot; Kigome asi koek Aruetab Jehovah. Ma kebendi kapkoros kesa-e asista ; kisa-e Jehovah kityo.
Post a Comment
Read more

148. Tiem iige Daniel

1.  Ongenyiganitu kot, Kegas it Jesu. Ma Chang' bik betusiechu Che lumdogei iman.      Tiem iige Daniel      Ne Ki nyigan kot.      Mie imang'u Kiptaiat;      Konyit Ka,ennyi. 2.  Betos bik che Chang' inne Che ma'yanotin, Ago 'terteri choto Che 'mang'u Kiptaiyat. 3.  Nam songolietab Kristo Eng' lugoni o. Mi Jehovah koboten Eng' bandang'ung' tugul. 4.  Lumdege eng' Kiptaiyat; 'Terter o-indet. Egu ne nyigan inne Eng' sobeng'ung' tugul.
Post a Comment
Read more

149. Ongigilge kebe gonnyo

1.  Ongigiilge kebe gonnyo Ne mi kipsengwet. Mat ongenyalulse eng' yu; Ongigiilge kot.      Ong`eetye! Amat ongiywei      Ongebe gonnyo!      Kristo ko Kando-indennyo      Ongigiilge kot! 2.  Kigoib Jesu Inegei Tengekwogikyok. Inendet ko Yetindennyo Ne tun torochech. 3.  Mitei mestonok eng'  Oret - Richei bik alak. Mitei yomset ak  nyalilda Eng' oranato. 4.  Tinyei, iman, bichi-indo Oretab sobon; Ago ribech Kando-indet Si ma'nachech kiy.
Post a Comment
Read more

150. Mi tainyon luget

I.    Mi  ta-innyo luget ak ko bichii Oret, AK komitei  tiemutik Che chang'; Ago Jesu Kristo kimnatennyo ne o Ne kitii-ege kotugul. Kigakto-i Jesu ne kamang'unennyo Ne Inendet Choruennyo iman. Lapkeiyet ne bo ng'ony Ng'olyondennyi ne Kim Ne ikweng`wech eng' orennyo. 2.  Kigonyo Jesu ng`ony eng` chamnyennyi ne o Nyo konyaliljech `agoi  kome. Ago chobwech nguno oldo eng` kipsengwet Ole mitei  ak  Kwandanyi. Ongetien eng oret ne iitech  kipsengwet; Magibestosi eng` bandanyo , Amu Jesu  Kristo  Lapkeiyenyo ne o Ne ikweng'wech eng' orennyo. 3.  Ongigilge anyun keboisiechi komie Ak kibarte chamnyenyi ne o. Ta kochang bik inne che mitei mesundei Che igeni kogas Ng'alek. Ongibarte Jesu betusiekyok tugul Amun yaachech bichoto iman Si koek Kiptaiyat Lapkeiyenywa ne o Ne igweng'jin sobonwekwak.
Post a Comment
Read more

151. Olachi karikwok

1.  Olaachi karikwok,' Askarikab Kristo. Otebi eng' nyiganatet Amu kimnatennyi. 2.   Ogimegitu kot Eng' Kiptaiyandennyo; Olaach karikab lugennyi Otertere tugul. 3.   Olaach eng' kayanet Kutwetab yetunet; Ogirinde bunyondeng'wong. Eng' kagiiletab ge. 4.  Otertere yomset Long'etab kayanet. Onetge Ng'olyot ne Sobei Ne rotwennyo bo chok. 5.    Otononse, anyun; Oripse eng' saet, Asi ogimegitu  kot Eng' Jesu Kiptaiyat.
Post a Comment
Read more